विवाद आएपछि २ जिल्लाका प्रहरी प्रमुखहरुको काज सरुवा गरिएको छ । 

प्रहरी प्रधान कार्यालयले लागूऔषध मुद्धामा चलखेल गरेको आरोप लागेका  धनुषाका प्रहरी प्रमुख एसपी प्रकाश रानाभाट र प्रमुख जिल्ला अधिकारीसहितसँग बसेर जुवा खेल्ने जिल्ला प्रहरी कार्यालय सर्लाहीका (एसपी) सन्तोषसिंह राठौरको काज सरुवा गरेको हो ।  

उनीहरुको स्थानमा प्रहरी प्रधान कार्यालयमा रहेका एसपी बसन्त रजौरेलाई धनुषा र प्रदेश २ प्रहरी कार्यालय जनकपुरमा रहेका एसपी कृष्ण प्रसाईलाई सर्लाहीको जिम्मेवारी दिएको छ ।

 एसपी रानाभाटले लागूऔषध मुद्धामा गत फागुनमा पक्राउ परेका आरोपीहरुको मिसिल कमजोर बनाएको आरोप लागेको थियो ।

यस बिषयमा प्रहरी प्रधान कार्यालयले अनुसन्धान गरिरहेको जनाएपछि त्यसको परिणाम भने अहिलेसम्म सार्वजनिक गरिएको छैन् ।

यस्तै सर्लाहीमा रहेका एसपी राठौरले जुवा खेल्दै गरेको भिडियो केहीदिन अघि सार्वजनिक भएको थियो ।