पर्सा जिल्लाको बोर्डर आउट पोष्ट (बीओपी) भिश्वाका प्रमुख सशस्त्र प्रहरी निरीक्षक (इन्स्पेक्टर) कृष्ण पौडेललाई जिम्मेवारीबाट हटाएको सशस्त्र प्रहरी बल स्रोतले जनाएको छ । 

लोकान्तरमा ‘भिश्वा बीओपीमा सशस्त्र इन्स्पेक्टर कृष्ण पौडेलको तस्करसँग सेटिङ, हप्ताको ४ लाख असुली !’ नामको शीर्षकमा सामाचार छापिएपछि सशस्त्र प्रहरी बलको २ नम्बर छिन्नामस्ता बाहिनी मुख्यालय महोत्तरीबाट सशस्त्र प्रहरी उपरीक्षक (एसपी) मनोज थापाको अध्यक्षतामा समिति गठन भएको थियो । ​

त्यो समितिको प्रतिवेदनले दिएको सुझावको आधारमा पौडेललाई १३ नम्बर गण पर्सामा तानिएको सशस्त्र स्रोतले लोकान्तरलाई बतायो । 

समाचार प्रकाशन भएपछि ‘मुर्तुजा’ नाम गरेका व्यक्तिले लोकान्तरलाई विभिन्न प्रभाव पार्न खोजेका थिए । उनको नम्बर ट्रुकलर नामक एपमा ‘मुर्तुजा घुमुवा वीरगञ्ज’ भनेर नाम देखाउँछ ।