विभिन्न ३ बैंक तथा वित्तीय संस्थाहरूको लाभांश सुरक्षित गर्ने आज अन्तिम दिन हो ।

मितेरी डेभलपमेन्ट बैंक लिमिटेडले पौष १४ गते देखि २८ गते सम्म, नेपाल पुनर्बीमा कम्पनी लिमिटेड  र उन्नति सहकार्य लघुवित्त वित्तिय संस्था लिमिटेडले पौष १४ साधारण सभा र लाभांश प्रयोजनका लागि शेयर दाखिल खारेज बन्द  गर्दैछन्।

तसर्थ, आजको मितिसम्म कारोबार गरी कायम शेयरधनीहरुले मात्र लाभांश लिन साथै साधारण सभामा भाग लिन पाउनेछन्।

मितेरी डेभलपमेन्ट बैंकले आ. व. २०७७/७८ को वितरण योग्य मुनाफा रकमबाट शेयरधनीहरुलाई हाल कायम रहेको चुक्ता पूँजी रु.७९ करोड ७३ लाख ७६ हजार ९ सय ३७.५० को १३.३०% तथा ०.७०% अर्थात रु.५५ लाख ८१ हजार ६ सय ३८.५६ बराबरको नगद लाभांश (कर प्रयोजनार्थ) वितरण गर्न लागेको हो।

यस्तै, नेपाल पुनर्बीमा कम्पनीले शेयरधनीहरुलाई हाल कायम रहेको चुक्ता पूँजी रु.१० अर्बको १६.५% बोनस शेयर र २.५% नगद लाभांश (लाभांश कर प्रयोजनार्थ समेत) वितरण गर्न लागेको हो।

यसैगरी, उन्नति सहकार्य लघुवित्तले चुक्ता पूँजी रु.१७ करोड ६१ लाख ६९ हजार ७ सय ६.३८ को को ३०% अर्थात रु.५ करोड २८ लाख ५० हजार ९ सय ११.९१ बराबरको बोनस शेयर वितरण गर्न लागेको हो।

संचालक समितिले निर्णय गरेको सो लाभांश प्रस्ताव कम्पनीको वार्षिक साधारण सभामा छलफल गरिने छ।

प्रस्ताव गरिएको लाभांश वार्षिक साधारण सभाबाट पारित भएपश्चात मात्र योग्य शेयरधनीले दाबी गर्न पाउने छन्।