पछिल्लो २४ घण्टामा ६ हजार ८२७ जनामा कोरोना संक्रमण पुष्टि भएको छ । 

स्वास्थ्य तथा जनसंख्या मन्त्रालयका अनुसार १९ हजार ८६९ नमूना परीक्षणमध्ये ४८०७ पीसीआर र २०२० जनामा एन्टिजेन पोजिटिभ देखिएको हो । 

यस्तै पछिल्लो २४ घण्टामा संक्रमणबाट १० जनाको मृत्यु भएको छ । हालसम्मको मृत्यु संख्या ११ हजार ६९७ छ । 

मन्त्रालयका अनुसार थप ५४३२ जना संक्रमणमुक्त भएका छन् ।

यससँगै हालसम्म कोरोना संक्रमणमुक्त हुनेहरूको संख्या ८ लाख ४२ हजार ४३६ पुगेको छ । 

हाल मुलुकभर ८९ हजार ९४१ सक्रिय संक्रमित छन् ।