जाजरकोट  र  रुकुम पश्चिमलाई जोड्ने भेरी नदीको पुल निर्माण सुरु गरेको दस  वर्ष  भइसक्दा  पनि  निर्माण  सम्पन्न  हुन  सकेको छैन ।

निर्माण व्यवसायीको लापरबाहीले लामो समयदेखि सो पुल निर्माणको काम अलपत्र परेको बताइएको छ ।

मध्यपहाडी  लोकमार्ग  आयोजनाअन्तर्गतको  रुकुम पश्चिमको  चौरजहारी  र  जाजरकोटको  कुदुलाई  जोड्दै पश्चिमतर्फ  जान्छ ।

 सो  पुल  निर्माणमा  भएको  ढिलाइले रुकुम र जाजरकोट दुई जिल्लाको सडक सञ्जाल पनि जोडिन  सकेको  छैन ।  

२०६९  मा  वाइपी  कन्स्ट्रक्सन ललितपुरले १३ करोड ४७ लाख रुपियाँको लागतमा सो पुल निर्माण गर्न सम्झौता गरेको थियो । तर तीन वर्षमा पुल निर्माण गर्ने सम्झौता भए तापनि अहिलेसम्म दुईवटा पिल्लरको आधाभन्दा कम काम मात्र भएको छ ।

जिल्ला  समन्वय  समिति  जाजरकोटका  प्रमुख मानबहादुर रावलले पटक–पटक ताकेता गर्दा पनि ठेकेदार कम्पनीले पुल अलपत्र पार्नु दुःखद रहेको बताए । गोरखापत्र दैनिकमा खबर छ ।