बालुवाटारमा प्रचण्डको सहमति, बानेश्वरमा माओवादीका ३ नेताको लिखित असहमति

संसदमा एमसीसी टेबुल गर्ने कार्यव्यवस्था समिति बैठकको सहमतिप्रति नेकपा (माओवादी केन्द्र)का तीन सांसदले असहमति प्रकट गरेका छन् । 

माओवादी केन्द्रका प्रमुख सचेतक देवप्रसाद गुरुङ,  जयपुरी घर्ती र रेखा शर्माले सभामुखसमक्ष लिखित असहमति पेश गरेका हुन् । 

‘यस सम्झौतालाई अगाडि बढाउन राष्ट्रिय सहमति कायम हुनुपर्ने, कतिपय बुँदाहरु परिमार्जन र संशोधन हुनुपर्ने र संसद सुचारु हुनुपर्दछ भनी हामीले निरन्तर भन्दै आएका छौं,’ उनीहरूले भनेका छन्, ‘तसर्थ राष्ट्रिय सहमति कायम नभएको, संशोधन र परिमार्जनको कुनै सुनिश्चितता पनि नभएको र संसद अवरुद्ध नै रहेकाले मिलेनियम च्यालेन्ज कर्पोरेसन (एमसीसी) टेबल गर्ने विषयमा हाम्रो गम्भीर असहमति रहेको व्यहोरा अनुरोध गर्दछौं ।’

यो पनि पढ्नुहोस्

एमसीसीबारे प्रचण्डले गठबन्धन बैठकमा राखे ३ बुँदा, अब संसदबाटै छिनोफानो