एमसीसीविरुद्ध सडकमा उत्रिएका प्रदर्शनकारीसँगको झडपमा २४ सुरक्षाकर्मी घाइते भएका छन् । 

नेपाल प्रहरीका १७ जना र सशस्त्र प्रहरीका ७ जना घाइते भएका हुन् । 

सशस्त्र प्रहरीका घाइते ३ जनाको बलम्बुस्थित एपीएफ अस्पतालमा उपचार भइरहेको छ । बाँकी ४ जनाको संसद भवनभित्रै रहेको आपतकालीन उपचार कक्षमा उपचार भइरहेको प्रहरीले जनाएको छ । 

प्रदर्शनका क्रममा प्रहरीले प्रदर्शनकारीमाथि पानीको फोहोरा, लाठी चार्ज र रबरको गोलीसमेत चलाएको थियो । त्यस्तै प्रदर्शनकारीले समेत प्रहरीमाथि ढुंगा हानेका थिए । 

केही प्रदर्शनकारी पनि घाइते भएका छन् भने केही प्रदर्शनकारीलाई प्रहरीले नियन्त्रणमा लिएको छ । 

एमसीसी खारेज गर्नुपर्ने भन्दै उत्रिएका प्रदर्शनकारीहरू र प्रहरीबीच दिनभरजसो झडप भएको थियो । 

आइतवार संसदमा एमसीसी पेश भएको छ ।