नेपालमा सुनको मूल्यले रेकर्ड कायम गरेको छ । बुधवार छापावाल सुनको मूल्य एक लाख ५ हजार ५०० तोकिएको छ । 

अघिल्लो दिनको तुलनामा दुई हजार ५०० ले बढेको हो । नेपाली बजारमा सुनको मूल्य यति धेरै पुगेको पहिलो पटक हो । 

मंगलवार छापावाल सुन प्रतितोला एक लाख तीन हजारमा कारोबार भएको थियो । 

त्यस्तै बुधवार तेजाबी सुनको मूल्य तोलाको एक लाख ५ हजार तोकिएको छ । 

चाँदीको मूल्य पनि प्रतितोला ४० रुपैयाँ बढेर एक हजार ४१० रुपैयाँ तोकिएको छ ।