अहिले धेरै मानिस रक्सीको लतका कारण हैरान छन् । संसारमा यस्ता धेरै मानिसहरु छन् जो रक्सी बिना बाँच्न सक्दैनन् । 

मदिरा पिउनु स्वास्थ्यका लागि निकै हानिकारक हुन्छ भन्ने सबैलाई थाहा छ तर पनि मानिसहरू रक्सी पिउने गर्छन् । रक्सी पिएपछि धेरै मानिसहरु अनियन्त्रित हुन्छन् र धेरै हंगामा मच्चाउँछन् । 

आखिर, रक्सीमा त्यस्तो के हुन्छ कि मानिसहरू यसको लतमा पर्छ ? 

यसको वैज्ञानिकहरूले भने खुलासा गरेका छन् । 

नयाँ अध्ययनमा वैज्ञानिकहरूले बाँदर र लङ्गुरका कारण मानिसमा रक्सीको लत लागेको देखाएको छ । वैज्ञानिकहरूले भनेका छन् कि बाँदरले पाकेको र अलिकति सडेको फल खान खोज्छ । 

बाँदरले खाने फलफूलमा करिब दुई प्रतिशत अल्कोहल रहने वैज्ञानिकहरू बताउँछन् । 

यो अध्ययन जर्नल अफ द रोयल सोसाइटी ओपन साइन्समा प्रकाशित भएको छ । रोबर्ट डडले नामका एक बायोलोजिस्ट लगभग २५ वर्षदेखि मानिसहरूमा रक्सीको लतको बारेमा अनुसन्धान गरिरहेका छन् । उनी क्यालिफोर्निया विश्वविद्यालय, बर्कलेमा काम गर्छन् । 

डडलेले सन् २०१४ मा मानिसमा रक्सीको लतको बारेमा एउटा पुस्तक लेखेका थिए, जसको नाम हो 'द ड्रंकन मन्की: ह्वाइ वी ड्रिंक एण्ड अब्युस अल्कोहल' हो । 

यस पुस्तकमा उनले बाँदर र लङ्गुरका कारण मानिस रक्सीको लतमा परेको संकेत गरेका छन् ।

उनले पाकेका फलफूलमा रक्सीको गन्ध आउने चकित पार्ने खुलासा गरेका छन् । त्यसकारण बाँदरहरू फल पाक्नको लागि पर्खन्छन् ताकि उनीहरूले खाएका फलहरूमा अल्कोहलको मात्रा पाउन सकून् ।

बाँदरको मदिरायुक्त फलफूल सेवनका कारण मानिसमा रक्सी पिउने लत आएको हो कि होइन भनेर यो अध्ययन गरिएको वैज्ञानिकहरुको भनाइ छ ।