नवनियुक्त कानून, न्याय तथा संसदीय मामिला मन्त्री गोविन्दप्रसाद शर्मा कोइरालाले पदबहाली गरेका छन् । 

राष्ट्रपति कार्यालय शीतल निवासमा पद तथा गोपनीयताको सपथ लिए लगत्तै उनी सिंहदरबारस्थित नवनियुक्त कानून, न्याय तथा संसदीय मामिला मन्त्रालय पुगेर पदबहाली गरेका हुन् ।

शितल निवासमा आयोजित समारोहमा राष्ट्रपति विद्यादेवी भण्डारीले मन्त्री कोइरालालाई सपथ गराएकी थिइन् । 

दिउँसो ४ बजे प्रधानमन्त्री शेरबहादुर देउवाको बोलाएको मन्त्रिपरिषदको बैठकमा सहभागी हुन मन्त्री कोइरालाले हतार हतार पदबहाली गरेका हुन् ।

नेकपा एकीकृत समाजवादी निकट रहेका कानून व्यवसायी कोइरालाले एमसीसी अनुमोदनमा सत्तारूढ गठबन्धनलाई सघाए वापत मन्त्रीपद उपहार स्वरुप पाएको टिप्पणी हुन थालेको छ । 

त्यसबाहेक, उनले अमेरिकी आर्थिक सहयोग कार्यक्रम एमसीसीको व्याख्यात्मक टिप्पणी लेखेका थिए ।

प्रतिनिधि सभा विघटनका बेला अधिवक्ता बन्दीले देउवाको पक्षबाट बहस गरेका थिए । 

यसअघिका कानून मन्त्री दिलेन्द्रप्रसाद बडूलाई उद्योग, वाणिज्य तथा आपूर्ति मन्त्रालयको जिम्मेवारी दिइएको छ ।