नेपाली कांग्रेसका नेता शशांक कोइरालाले सकभर नेपाली कांग्रेस एक्लै लड्नुपर्ने बताएका छन् । 

नेविसंघ इलाम-काठमाडौं सम्पर्क समितिले आयोजना गरेको कार्यक्रमलाई शनिवार सम्बोधन गर्दै उनले कांग्रेसले आफ्नो शक्ति बुझ्नुपर्ने बताएका हुन् । 

तर, माओवादीहरू फेरि एमालेसँग मिल्न सक्छन् भन्ने प्रधानमन्त्री शेरबहादुर देउवाको चिन्ता पनि स्वभाविक भएको उनको भनाइ छ । 

‘मैले प्रधानमन्त्री तथा पार्टी सभापतिसँग एक्लै लड्नुपर्छ भन्दा उहाँले माओवादीको भविष्य छैन, धेरै एमालेमा प्रवेश गरिसकेका छन्, बचेकाहरू पनि उनीहरूको अस्तित्व नभएपछि कोही न कोहीसँग सम्बन्ध गाँस्नैपर्छ भन्नुभयो,’ उनले भने, ‘हामीले गाँसेनौं भने फेरि एमालेमा जान्छन्, एमाले–माओवादी मिले भने पूर्वचुनावमा २३ सिटमा झरेका थियौं, त्यही होला कि भन्ने देउवाको चिन्ता थियो, त्यो स्वभाविक पनि हो ।’