रोयल च्यालेन्जर्स बैंगलोरले इन्डियन प्रिमियर लिग (आईपीएल) टी-ट्वान्टी क्रिकेटमा तेस्रो जीत निकालेको छ ।

पुनेमा शनिवार मुम्बई इन्डियन्सलाई ७ विकेटले हराउँदै बैंगलोरले तेस्रो जीत निकालेको हो ।

मुम्बईले दिएको १ सय ५२ रनको लक्ष्य बैंगलोरले १८ ओभर ३  बलमा ३ विकेट गुमाएर पूरा गर्यो ।

यस अघि पहिले ब्याटिङ गरेको मुम्बईले २० ओभरमा ६ विकेट गुमाएर १ सय ५१ रन जोडेको थियो ।

यस जीतसँगै बैंगलोरले ४ खेलमा ६ अंक जोडेको छ । बैंगलोर तेस्रो स्थानमा उक्लिएको छ ।

मुम्बईको यो लगातार चौथो हार हो ।

मुम्बईले ४ खेलमा अंक जोड्न सकेको छैन ।