राजस्थान रोयल्सले इन्डियन प्रिमियर लिग (आईपीएल) टी-ट्वान्टी क्रिकेटमा तेस्रो जीत निकालेको छ ।

मुम्बईमा आइतवार राति लखनउ सुपर जाइन्ट्सलाई ३ रनले हराउँदै राजस्थानले तेस्रो जित निकालेको हो ।

राजस्थानले दिएको १ सय ६६ रनको लक्ष्य पछ्याएको लखनउले २० ओभरमा ८ विकेट गुमाएर १ सय ६२ रन मात्र बनाउन सक्यो ।

यस अघि पहिले ब्याटिङ गरेको राजस्थानले २० ओभरमा ६ विकेट गुमाएर १ सय ६५ रन जोडेको थियो ।

यस जीतसँगै राजस्थान शीर्ष स्थानमा उक्लिएको छ ।

राजस्थानले ४ खेलमा ६ अंक जोडेको छ ।

लखनउले ५ खेलमा ६ अंक नै जोडेको छ ।

लखनउ पाँचौं स्थानमा रहेको छ ।