एनएमबी बैंक लिमिटेडले प्राक्टिकल एक्सन दक्षिण एसिया क्षेत्रीय कार्यालय काठमाडौंको ‘रिजल्ट बेस्ड फाइनान्सिङ’ परियोजनाको सहयोगमा हालसम्म ५२ हजार चुल्हो वितरण गरेको छ ।

बैंकले प्राक्टिकल एक्सनसँग मिलेर परियोजनाका लागि कोष व्यवस्थापकका रूपमा काम गरेको थियो ।

परियोजनाअन्तर्गत नेपालमा सुधारिएको चुल्हो वितरण गरेर ग्रामीण भेगका जनताको जीवनस्तर सुधार गर्ने उद्देश्यका साथ प्राक्टिकल एक्सन परियोजनासँग बैंकले सहकार्य गरेर नुवाकोट, धादिङ, गोर्खा, रसुवा, चितवन, मकवानपुर, पर्वत, म्याग्दी, बागलुङ, अर्घाखाँची, गुल्मी र स्याङ्जाका विभिन्न ग्रामीण भेगमा सुधारिएको चुल्हो वितरण गरेको छ ।

बैंकको ‘भ्यालु बेस्ड बैंकिङ’को अवधारणाहरू मध्येको ‘नाफाभन्दा अघि मानिसहरूको बारेमा सोच्ने’ सिद्धान्तअनुसार बैंकको लघुवित्त विभागले प्राक्टिकल एक्सनसँग सहकार्य गरेर परियोजना सफलतापूर्वक सम्पन्न गरेको छ भने परियोजनाका साथसाथै अन्य विभिन्न परियोजनासँग सहकार्य गरेर सेवा प्रदान गर्दै आइरहेको जनाइएको छ । 

एनएमबी बैंक दिफिनान्सियल टाईम्स, लण्डनको ‘द ब्यांकर’ पत्रिकाद्वारा एसियाकै सर्वोत्कृष्ट बैंकको उपाधि ‘बैंक अफ दि इयर एसिया २०२१’ उपाधिबाट सम्मानित बैंक हो । एनएमबी बैंकले २०१७, २०१८, २०२० र २०२१ लागि पनि पत्रिकाद्वारा ४ पटक नेपालकै उत्कृष्ट बैंकको उपाधि बैंक अफ दि इयर नेपाल’ प्राप्त गरिसकेको छ ।  

एनएमबी बैंकले हाल देशभर २०१ शाखा, १३९ एटीएमहरू र ११ एक्सटेन्सन काउन्टरमार्फत उच्चस्तरीय सेवा प्रदान गर्दै आइरहेको छ ।