नेकपा एमालेका वरिष्ठ उपाध्यक्ष ईश्वर पोखरेलले सत्ता गठबन्धन चुनाव सार्ने बहानामा रहेको आरोप लगाएका छन् । विभिन्न बहानामा निर्वाचन सके टार्ने–नभए सार्ने अन्तिम योजनामा गठबन्धन आफूले खडा गरेका ‘सम्पूर्ण सेटिङ’ परिचालित गर्ने कोशिशमा रहेको उनको आरोप छ । 

सामाजिक सञ्जालमा उनले भनेका छन्, ‘विभिन्न बहानामा निर्वाचन सके टार्ने –नभए सार्ने अन्तिम आपराधिक योजनामा आफूले खडा गरेका ‘सम्पूर्ण सेटिङ’ परिचालित गर्ने कोशिस गर्न खोजिँदैछ ।’
उनले यसतर्फ सावधान हुनु र सबैतिरबाट खबरदारी गर्नु जरूरी रहेको पनि बताएका छन् । 

उनले स्वार्थ र डरलाग्दो षडयन्त्रको जगमा गठबन्धन खडा गरिएको भन्दै सो गठबन्धन आफ्नै पापको भारीले किचिँदै गरेको आरोप पनि लगाएका छन् ।