भारतीय बजारबाट पेट्रोलियम पदार्थको मूल्य घटेर आएको छ । 

इन्डियन आयल कर्पोरेशनले सोमवार पेट्रोलियम पदार्थको मूल्य घटाएर पठाएको नेपाल आयल निगमका प्रवक्ता विनितमणि उपाध्यायले लोकान्तरलाई जानकारी दिए । 

उनका अनुसार पेट्रोलमा प्रति लिटर ४ रुपैयाँ ७९ पैसा घटेर आएको छ भने डिजेलमा प्रति लिटर २ रुपैयाँ २ पैसा बढेर आएको छ ।

नयाँ मूल्यसूची अनुसार अहिले पेट्रोलमा १८ रुपैयाँ र डिजेलमा ३० रुपैयाँ घाटा रहेको उपाध्यायले जानकारी दिए ।

१५ दिनमा पेट्रोलमा ५७ करोड रुपैयाँभन्दा बढी घाटा रहेको र डिजेलमा २ अर्ब ३२ करोड रुपैयाँ घाटा रहेको छ ।