फागुन ३, २०८०
नेपाली कांग्रेसबाट धोका भएको र गठबन्धन सम्बन्धमा पुनर्विचार गर्नुपर्ने अवस्था आउन सक्ने प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डको अभिव्यक्तिले राजनीति तरंगित छ । माओवादीको विधा...
बैशाख १५, २०७९
धनगढी उप—महानरपालिका प्रमुखमा नेकपा (एमाले)का तर्फबाट रणबहादुर चन्द चुनावी प्रतिस्पर्धामा छन् । अघिल्लो चुनावमा धनगढीमा तेस्रो शक्ति रहेको एमाले अहिले पहिलो बन्ने लक्ष्यसहित चुनावमा होमिएको छ । यही वैशाख ३० गते हुने निर्वाचनका सम्बन्धमा एमाले उम्मेदवार चन्दसँग लोकान्तर लागि गगन अर्याल र राजु बास्कोटाले गरेको कुराकानीको सम्पादित अंश :
धनगढी उपमहानगरपालिका प्रमुख पदमा उम्मेदवार बन्नुभएको छ, तपाईंले जित्ने आधार के हो ?
एमाले वडा तहदेखि पालिका हुँदै जिल्ला, प्रदेश र केन्द्रसम्म सुव्यवस्थित पार्टी हो । मैले धनगढी उपमहानगरपालिका जित्ने प्रमुख आधार भनेकै पार्टीको संगठन हो । पार्टीभित्रको एकता हो । हामी एकताका साथ चुनावमा होमिएका छौं । कुनै पनि फरक मत र विचार छैन । जित्ने पहिलो आधार यही हो ।
दोस्रो आधार भनेको हामीले वडा तहमा अब्बल, परिचित, जनताको काम गरेका र भिजेका उम्मेदवार उठाएका छौं । वडाहरूमा पनि हामीले जुन ठाउँमा जुन समुदाय र संरचना छ त्यहीअनुसार नै उठाएका छौं । अर्को कुरा एमाले पार्टीले लिएको नीति, दृष्टिकोण, सिद्धान्त जनतालाई बुझाउन सकेका छौं ।
गठबन्धन गलत स्वार्थ र निहीत स्वार्थका लागि बनेका कारणले जनताको काम गर्न सकेको छैन, त्यसैले पनि हामीले जित्छौं ।
माथि मिले पनि स्थानीय तहमा, गाउँमा, शहरमा गठबन्धनमा एकजुट हुन सकेको छैन । माथि भएको सत्ताको भागबन्डाले गर्दा पनि स्थानीय तहमा जनता रुष्ट भएका छन् । पदको भागबण्डा लगायतका कारणले गठबन्धनमा विवाद आएको देखिन्छ । मतदाताले गठबन्धनलाई स्वीकारेको देखिँदैन । त्यसले सिधै एमालेलाई फाइदा हुने हो । हामीले जित्छौं भन्ने आधार यो पनि हो ।
गठबन्धनलाई नरुचाउने मतदाताले एमाले नै रोज्छन् भन्ने हुन्छ र ?
अघिल्लोपटक नेपाली कांग्रेसले प्रमुख जित्यो । त्यो जित्ने बेलामा उनीहरूले जनतालाई धेरै आश्वासन दिएका थिए ।
आश्वासन अनुसार काम गर्न नसकेकाले जनता रुष्ट छन् । कांग्रेस फेल भइसकेपछि विकल्प एमाले हो भन्ने जनतालाई थाहा छ ।
गठबन्धन र स्वतन्त्र उम्मेदवार बलिया देखिएका छन् । त्यसबीचमा एमालेले नै बाजी मार्छ भन्नुभयो । तपाईंसँग मतदाता आकर्षित गर्ने त्यस्ता एजेन्डा के छन् ?
धनगढी सुदूरपश्चिम प्रदेशको एउटा मात्रै उपमहानगरपालिका हो । यसले जुन गतिमा विकास निमार्णको काममा गर्नुपर्ने थियो, त्यो सकेको छैन । योजना बनाएर विकास गर्नुपर्नेमा खालि तदर्थवादमा मात्रै चलेको छ ।
परम्परागत रूपमा चलेको छ । त्यसलाई नयाँ स्वरूप दिनुपर्छ भनेर म अगाडि आएको हुँ । यसलाई मेगा सिटी हुँदै महानगर बनाउनुपर्छ भन्ने योजनाका साथ हामी अगाडि आएका छौं । घोषणामार्फत हामीले धनगढीलाई सफा, सुन्दर र व्यवस्थित बनाउने योजना अगाडि सारेका छौं । यहाँ मुख्य यातायात व्यवस्थापन, सडकमा पार्किङको समस्या, ढलको समस्या छन् । सडकहरूमा पनि त्यस्तै समस्या देखिएका छन् ।
व्यवस्थित शहर बनाउनका लागि ती समस्या समाधान गर्नुपर्ने छ, हामी त्यसमा लाग्ने छौं । १९ वटा वडा रहेको उपमहानगरपालिकामा नागरिकका आधारभूत आवश्यकता पनि पूरा गर्न सकेका छैनौं, त्यसलाई पनि हामी पूरा गर्छौं ।
जनताहरू अझै पनि स्वच्छ खानेपानी, शिक्षा, स्वस्थ्य, रोजगारी लगायतका आधारभूत सेवाबाट वञ्चित छन्, त्यसलाई कसरी पूरा गर्दै लैजाने भन्ने कुराको योजना लिएर अगाडि बढ्छौं । धनगढीमा अव्यवस्थित बसोवासको धेरै ठूलो समस्या छ, त्यसलाई मुख्य एजेण्डा बनाएर जान्छौं । भूमि आयोगले काम गरेको थियो तर यो सरकारले त्यसलाई विस्थापित गरिदियो । अहिले त्यो काम अड्किएको छ, त्यसलाई पनि अगाडि लैजान्छौं ।
तपाईंहरू अघिल्लोपटक निकटतम् प्रतिस्पर्धी पनि हुनुहुन्थेन, एक्कासि जित्छौं भन्ने आत्मविश्वास पछाडिको कारण के हो ?
पाँच वर्षअगाडि र अहिलेको अवस्था धेरै फरक छ । हिजो के थियो भन्ने नहेरौं अहिले के छ भनेर हेर्नुपर्छ । परिस्थिति परिवर्तन भएको छ ।
नेकपा भएको समयमा आउनुभएका माओवादीका साथीहरू अहिले पनि एमालेमै हुनुहुन्छ, त्यसले गर्दा पनि हाम्रो मतदाताको संख्या बढेको छ । नेकपाकै निरन्तरतासहित नयाँ एमाले हो पुरानो एमाले होइन ।
पार्टीको गतिले गर्दा पनि मानिसहरूले एमालेलाई विश्वास गरेका छन् । हाम्रै पार्टीको पहलमा भएको लिपुलेक लिम्पियाधुरा फिर्ता ल्याएको कारणले पनि मतदाता थपिएका छन् ।
चुनावमा एक्लै लड्नुपर्ने थियो तर गठबन्धनबाट लडेकाले पनि एमालेलाई फाइदा छ ।
तपाईंका प्रतिस्पर्धीले अघिल्लोचोटि पनि हामीले जितेका हौं, यसपालि त ७० प्रतिशत मत ल्याएर जित्छौं भन्नुहुन्छ नि !
त्यो गलत हो । धनगढीमा नेकपा एमाले र गठबन्धनबीच नै प्रतिस्पर्धा हुने हो । हामी अगाडि आउँछौं ।
एमालेले विजय प्राप्त गर्छ भन्ने हाम्रो विश्वास हो, किनभने कांग्रेसले जित्यो तर जनतासामु गरेका वाचा पूरा गरेन । विकास निमार्णका कामको योजना ल्याउन सकेको छैन । उहाँहरूले जित्नुहुन्छ भन्ने हामीलाई लागेकै छैन । त्यसको विकल्प एमाले हो ।
स्वतन्त्र व्यक्ति अर्थात् संगठन नभएको व्यक्तिलाई जनताले विश्वास गर्ने कुरा भएन । कुनै पनि पार्टीको विकल्प स्वतन्त्र हुन सक्दैन । विकास गर्न संगठन चाहिन्छ, त्यो एमालेसँग छ ।
नेपाली कांग्रेसबाट धोका भएको र गठबन्धन सम्बन्धमा पुनर्विचार गर्नुपर्ने अवस्था आउन सक्ने प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डको अभिव्यक्तिले राजनीति तरंगित छ । माओवादीको विधा...
बुधवार उच्च अदालत विराटनगर पुग्दा धरान उप–महानगरपालिकाका मेयर हर्क साम्पाङ एक वकिलसहित भेटिए । मुद्दाको पेशी भएकाले उनी आफैं उपस्थित भएका रहेछन् । धरान खानेपानी विकास बोर्डको बैठक नबोलाएको भन्दै सा...
प्राध्यापक डा. जयराज आचार्यले प्रधानमन्त्री पुष्पकमल दाहाल ‘प्रचण्ड’को भारत भ्रमण फलदायी नभएको टिप्पणी गरेका छन् । देशको प्राथमिकतालाई पहिचान गर्न नसक्दा प्रधानमन्त्री चुकेको उनको टिप्पणी छ । ‘हा...
बुटवल विकासका दृष्टिले काठमाडौंपछिका प्रमुख शहरमध्ये एक मानिन्छ । बुटवल धेरै क्षेत्रमा देशलाई नेतृत्वदायी भूमिका खेल्ने शहर पनि हो । २०७९ मा भएको स्थानीय तहको निर्वाचनपछि बुटवल उपमहानगरपालिकामा दोस्रो कार्यकाल...
लेखक एवं निर्देशक प्रदीप भट्टराईका जति फिल्म प्रदर्शनमा आएका छन्, ती सबैले दर्शकको माया र समीक्षकबाट प्रशंसा पाएका छन् । ‘जात्रा’, ‘जात्रै जात्रा’, ‘शत्रुगते’ र ‘महापुरुष...
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेपाल समाजवादी पार्टी (नेसपा)का एकजना अध्यक्ष महिन्द्र राय यादवलाई पार्टी एकताका लागि पत्र पठाएपछि नेसपामा खैलाबैला उत्पन्न भएको छ ।&nb...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...