नवप्रवेशी टोली गुजरात टाइटन्स इन्डियन प्रिमियर लिग (आईपीएल) टी-ट्वान्टी क्रिकेटको शीर्ष स्थानमा उक्लिएको छ ।

मुम्बईमा बुधवार राति भएको रोमान्चक खेलमा सनराईजर्स हैदरावादलाई ५ विकेटले हराउँदै गुजरात शीर्ष स्थानमा उक्लिएको हो ।

हैदरावादले दिएको १ सय ९६ रनको लक्ष्य गुजरातले २० ओभरमा ५ विकेट गुमाएर पूरा गर्यो ।

 यस अघि पहिले ब्याटिङ गरेको हैदरावादले २० ओभरमा ६ विकेट गुमाएर १ सय ९५ रन जोडेको थियो ।

गुजरातको  यो सातौं जीत हो । जितसँगै शीर्ष स्थानमा उक्लिएको गुजरातले ८ खेलमा १४ अंक जोडेको छ ।

गुजरातले पहिलो खेलमा व्यहोरेको हारको बदला समेत लिएको छ ।

 यस अघिको भेटमा हैदरावादले गुजरातलाई ८ विकेटले हराएको थियो ।

हैदरावाद ८ खेलमा १० अंक जोडेर तेस्रो स्थानमा रहेको छ ।