दाङको कटुवा पेस्तोलसहित एक जना पक्राउ परेका छन् । 

लमही नगरपालिका-३ मझगाउँस्थित प्रतीक्षालयबाट एक थान कटुवा पेस्तोलसहित भारत घर बताउने १९ वर्षीय सोमु विकलाई बिहीवार राति प्रहरीले पक्राउ गरेको हो । 

उनले कटुवा पेस्तोल कम्मरमा लुकाई राखेको भन्ने खबर प्राप्त हुनासाथ वडा प्रहरी कार्यालय लमहीबाट खटिएको प्रहरीले उक्त पस्तोलसहित उनलाई पक्राउ गरेको हो । 

यस सम्बन्धमा प्रहरीले थप अनुसन्धान गरिरहेको छ ।