नेकपा (एमाले)ले आज काठमाडौँको भृकुटी मण्डपमा चुनावी सभा गर्दैछ ।

एमाले अध्यक्ष केपी शर्मा ओलीको उपस्थितिमा स्थानीय तह निर्वाचन केन्द्रित अन्तिम सभा गर्न लागेको काठमाडौँ जिल्ला कमिटी सचिव राजेश शाक्यले जानकारी दिए ।  

स्थानीय तह निर्वाचनका लागि एमालेको यो अन्तिम चुनावी सभा हाे । 

आजको सभामा काठमाडौँ महानगरपालिका सहित काठमाडौँ जिल्लाका ११ वटै पालिकाका एमाले तर्फका उम्मेदवार आ–आफ्नो पालिकाको जुलुस र झाँकीसहित दिउँसो २ बजे भृकुटी मण्डपमा भेला हुने शाक्यले जानकारी दिए ।  

दिउँसो २ बजे अध्यक्ष ओलीले सभालाई सम्बोधन गर्ने कार्यसूची छ ।

आज मध्यरातिदेखि मौन अवधि शुरू हुँदैछ । मौन अवधि शुरू हुनुपूर्व एमालेले काठमाडौंमा चुनावी सभा गरेर देशभर सन्देश दिन लागिएको शाक्यले बताए ।