नेपाल पत्रकार महासंघ पाल्पाका पूर्व अध्यक्ष राजेशकुमार अर्याल वडाध्यक्षमा निर्वाचित भएका छन् । 

नेकपा एमालेको तर्फबाट तानसेन नगरपालिका वडा नं. ९ को वडाध्यक्षमा उम्मेदवारी दिएका अर्याल ३२२ मतान्तरसहित निर्वाचित भएका हुन् । अर्यालले ८५९ मत ल्याएका छन् । 

उनका निकटतम प्रतिद्वन्द्वी स्वतन्त्र उम्मेदवार बिष्णुप्रसाद भन्डारीले ५३७ मत प्राप्त गरे भने गठबन्धनतर्फका उम्मेदवार नेकपा एकीकृत समाजवादीका मिनप्रसाद बञ्जाडेले ४०९ मत प्राप्त गरेका छन् । 

वडाध्यक्षमा निर्वाचित अर्यालले पत्रकार महासंघमा यसअघिको दुई कार्यकालको नेतृत्व गरेका थिए ।