नेपाली कांग्रेसका महामन्त्री गगन थापाले चुनावपछि बन्ने सरकारमा मन्त्री बन्ने अवसर पाए आफूले उद्योग मन्त्रालय रोज्ने बताएका छन् । 

अर्थशास्त्री स्वर्णिम वाग्लेको पुस्तक विमोचन गर्न आइतवार काठमाडौंमा आयोजित कार्यक्रममा सोधिएको प्रश्नमा महामन्त्री थापाले आफ्नो रोजाइ उद्योग मन्त्रालय रहने बताएका हुन् । 

बजेटका प्राथमिकता र सिद्धान्तमाथिको छलफलका क्रममा पनि आफूले अर्थमन्त्रीलाई उद्योगमन्त्री भएको सम्झेर बजेट तयार गर्न आग्रह गरेको बताए । ‘मन्त्रीले पदभार ग्रहण गर्दाको दिन गर्ने पहिलो निर्णयमा वर्षमा कतिवटा नयाँ उद्योग खुल्छ ? कति रोजगार खुल्छ ? भन्ने तयारी गरेर उद्योगमन्त्री बनाउनुपर्छ,’ थापाले भने ।  

कांग्रेस महामन्त्री थापाले सरकारको नीति तथा कार्यक्रम र बजेटमा नेपाली उद्योगलाई प्रवद्र्धन गर्ने खालका केही कार्यक्रम ल्याउन प्रधानमन्त्री शेरबहादुर देउवालाई सुझाव दिएको उनले बताए ।