एमाले महासचिवले भने : निर्माणमा रोक लगाउनु बुझिनसक्नुको न्यायिक सक्रियता

नेकपा एमालेका महासचिव शंकर पोखरेलले निजगढमा अन्तर्राष्ट्रिय विमानस्थल बनाउन नपाउनेगरी सर्वोच्च अदालतले गरेको फैसला न्यायिक दृष्टिले त्रुटिपूर्ण रहेको टिप्पणी गरेका छन् ।

सर्वोच्च अदालतले बिहीवार निजगढ विमानस्थल बनाउन नपाउनेगरी आदेश गरेपछि शुक्रवार बिहान सामाजिक सञ्जाल फेसबूकमा एक स्टाटस लेख्दै उनले यो निर्णय त्रुटिपूर्णका सार्थ राष्ट्रिय हित विपरित रहेको उल्लेख गरेका छन् । 

महासचिव पोखरेलले वातावरणमा पर्ने असरको प्रतिस्थापन गर्ने कानूनी व्यवस्थाको पालनामा ध्यान दिनुको साटो कार्यकारीको भूमिकामा नै हस्तक्षेप गरी निर्माणमा रोक लगाउनु बुझिनसक्नुको न्यायिक सक्रियता भएको उल्लेख गरेका छन् ।

उनले भनेका छन्, ‘यसप्रकारको फैसलाले न्यायिक प्रणालीप्रतिको आस्था र विश्वासलाई कमजोर बनाउछ । राष्ट्रिय सामर्थ्यको निर्माणको संकल्पमा समेत वाधा पुर्याउछ ।’

उनले सबै सरोकारवाला गम्भीर र जिम्मेवार बन्न समेत आग्रह गरेका छन् ।