ईन्धनमा भएको मूल्यवृद्धि सम्बन्धमा उद्योग मन्त्री दिलेन्द्र बडूको जवाफप्रति असन्तुष्टि जनाउँदै नेकपा एमालेकी सांसदले व्यंग गरेकी छन् ।

मंगलवार प्रतिनिधि सभामा मन्त्री बडूले जवाफ दिएपछि प्रतिप्रश्न गर्दै एमाले सांसद विमला विश्वकर्माले मन्त्रीको बोली नेपाल आयल निगमको जीएम जस्तो भएको टिप्पणी गरेकी हुन् ।

‘रोस्टममा हेर्दा मन्त्री बोले जस्तो, घोप्टे पर्दा जीएम बोले जस्तो लाग्यो, मन्त्रीजी बोलेजस्तो लागेन,’ विश्वकर्माले भनिन् ।

उनले मूल्यवृद्धिको अघिल्लो दिन पेट्रोल पम्पले स्टक लुकाएकोबारे सरकारको जवाफ माग गरिन् ।