नेपाल बार एशोसिएशनका पूर्व कोषाध्यक्ष रुद्र पोखरेलले न्यायाधीशलाई घुस प्रस्ताव गरेको विषयमा छलफल गर्न नेपाल बार एशोसिएशनले सचिवालय बैठक बोलाएको छ ।

नेपाल बार एशोसिएशनका महासचिव अन्जिता खनालका अनुसार बुधवार दिउँसो १ बजे बारको सचिवालय बैठक बोलाइएको हो ।

काठमाडौं जिल्ला अदालतका न्यायाधीश राजकुमार कोइरालालाई घुस प्रस्ताव गरेको अडियो सार्वजनिक भएको विषयमा छलफल गर्न बार सचिवालयको बैठक बोलाइएको उनले बताइन् ।

बैठकपछि घुस प्रकरणका विषयमा नेपाल बार एशोसिएशनले आफ्नो धारणा विज्ञप्तिमार्फत सार्वजनिक गर्ने उनले बताइन् ।

त्यसै विषयमा छलफल गर्न बुधवार साढे १ बजे नेपाल बार काउन्सिलको बैठक पनि बोलाइएको नेपाल बार एशोसिएशनका पूर्व अध्यक्ष चण्डेश्वर श्रेष्ठले बताए । त्यसै विषयमा छलफल गर्नका लागि बुधवार दिउँसो १ बजे न्याय परिषद् बैठक समेत बोलाइएको छ ।