अफगानिस्तानको पाक्टिका प्रान्तमा बुधवार बिहान गएको भूकम्पमा परी कम्तीमा २८० जनाको मृत्यु भएको छ । साथै ५९५ जना घाइते भएको त्यहाँको राज्यद्वारा सञ्चालित बख्तर समाचार समितिले जनाएको छ । 

सबैभन्दा बढी प्रभावित पूर्वी प्रान्त पक्टिका प्रान्तको बर्माल, जिरुक, नाका र गायन जिल्लामा करीब २५५ जनाको ज्यान गएको पछिल्लो स्थानीय स्रोतलाई उद्धृत समाचार समितिले जानकारी दिएको छ ।

भूकम्प प्रभावित क्षेत्रमा हेलिकप्टर र उद्धार टोली पुगेका छन् । छिमेकी प्रान्त खोस्टमा कम्तीमा २५ जनाको मृत्यु भएको छ भने ९५ जना घाइते भएका छन् । 

६.१ म्याग्निच्युडको भूकम्प गएको जनाइएको छ ।  भूकम्पको केन्द्रविन्दु खोस्टबाट ४४ किलोमिटर दक्षिणपश्चिममा रहेको अमेरिकी भौगर्भिक सर्वेक्षण संस्थाले जनाएको छ ।

भूकम्पका कारण यस क्षेत्रका दर्जनौं घरमा क्षति पुर्‍याएको छ भने पक्टिका प्रान्तमा पहिरो गएको स्थानीय स्रोतले जनाएको छ । रासस/सिन्ह्वा