अखिल नेपाल फुटबल संघ (एन्फा)ले खेलाडीलाई ससम्मान प्रशिक्षणमा बोलाउने निर्णय गरेको छ । यसअघि प्रशिक्षकसँगको विवादका कारण कतिपय खेलाडीले प्रशिक्षण बहिस्कार गरेकामा एन्फाको नवनिर्वाचित कार्यसमितिको पहिलो बैठकले खेलाडीलाई ससम्मान प्रशिक्षणमा बोलाउने निर्णय गरेको हो।  

यस्तै प्रशिक्षकको विषयमा छानबिन समितिको प्रतिवेदन र कतार फुटबल एसोसिएसनसँग आवश्यक छलफलका आधारमा निर्णय लिइने अध्यक्ष पंकज नेम्वाङले जानकारी दिए । बैठकले महासचिवमा किरण राई तथा कोषाध्यक्षमा रविन्द्र जोशीलाई मनोनयन गर्ने निर्णय गरेको छ । यस्तै अन्तर्राष्ट्रिय सम्बन्ध कमिटीमा नविन पाण्डे चयन भएका छन् । 
यस्तै नेम्वाङ नेतृत्वको टीमले श्वेतपत्र पनि जारी गर्ने निर्णय गरेको छ।