नेकपा (एस)का अध्यक्ष माधव नेपालले शक्ति राष्ट्रहरू षड्यन्त्रपूर्ण दाउपेचमा लागेको बताएका छन् । 

सोमवारबाट काठमाडौंमा शुरू भएको केन्द्रीय परिषद्को पहिलो बैठकलाई सम्बोधन गर्दै उनले यसबाट जोगिनुपर्ने बताएका हुन् । 

‘कतै यी शक्ति राष्ट्रहरूको द्वन्द्वको अखडा नेपाल त बन्ने होइन भन्ने कुराले चिन्तित बनाएको छ,’ उनले भने, ‘एमसीसी, एसपीपीलगायतका नाममा नेपाललार्ई फसाउने काम भएको छ ।’

उनले यस्ता सबै सम्झौता अगाडि बढाउने काम एमाले अध्यक्ष केपी शर्मा ओलीकै पालामा भएको दाबी गरे ।