सानिमा बैंकले नयाँ आर्थिक वर्ष २०७९/८० लाई लक्षित गरी सम्पूर्ण निक्षेप खाताहरूमा मासिक ब्याज प्रदान गर्ने भएको छ । 

बैंकले नेपाली तथा विदेशी मुद्रा अमेरिकी डलर, युरो, ब्रिटिस पाउण्ड, अस्ट्रेलियन डलर आदिका खाताहरूमा महिनै पिच्छे ब्याज दिन लागेको बैंकले जनाएको छ । 

यो योजना बचत खाता, कल खाता तथा सम्पूर्ण खाताहरूमा लागू भएको बैंकले एक विज्ञप्ति जारी गर्दै जनाएको छ ।

साथै न्यूनतम अवधिमा ५ गुणासम्म हुने व्यक्तिगत तथा संस्थागत सानिमा धमाका मुद्दती खाता समेत बैंकले सञ्चालनमा ल्याएको छ ।

मुद्दती निक्षेप रकम परिपक्वता पश्चात् एकमुष्ट ५ गुणासम्म भुक्तानी गरिने बैंकको भनाइ छ । 

व्यक्तिगत ग्राहकलाई आवश्यक परेमा निक्षेपको ९० प्रतिशतसम्म ऋण, तथा निःशुल्क क्रेडिट कार्डको लिन सक्ने व्यवस्था पनि गरिएको छ ।

त्यस्तै मासिक बचत गरी अधिकतम ब्याज आर्जन गर्न चाहने ग्राहकलाई लक्षित गरी मासिक प्राप्त ब्याज तथा किस्ता रकम समेत मुद्दतीमा नै जम्मा हुने गरी १ देखि ५ बर्षको सानिमा रिकरिङ खाता समेत शुरू गरेको छ । 

यसमा भविष्यमा ब्याज घट्ने चिन्ता समेत नहुने बैंकको भनाइ छ ।

सानिमा बैंकको देशका सातै प्रदेशमा १२७ कार्यालय र १२० वटा एटीएम संचालनमा रहेका छन् ।