सरकारका प्रवक्ता एवं सूचना तथा सञ्चार मन्त्री ज्ञानेन्द्रबहादुर कार्कीले देश श्रीलंकापथमा नजाने दाबी गरेका छन् । पछिल्लो समय नेपालको अर्थतन्त्र कमजोर भइरहेका भन्दै आलोचना बढिरहेका बेला सरकारका प्रवक्ता कार्कीले नेपाल श्रीलंकको बाटोमा नजाने दाबी गरेका हुन् ।

हेटौँडामा शुक्रवारदेखि शुरू भएको नेपाल प्रेस युनियनको नवौं राष्ट्रिय अधिवेशनलाई सम्बोधन गर्दै मन्त्री कार्कीले जनतालाई देश श्रीलंकापथमा गयो भनेर अफवाह फैलााइएको गुनासो गरे । उनले त्यो भ्रम चिर्न पत्रकारहरू आग्रहसमेत गरेका छन् । 

नेपालको आर्थिक सूचकहरू सुधारको बाटोमा रहेको भन्दै उनले छिट्टै सबै सन्तुलनमा आउने बताए । नेपाल आगामी १० वर्षभित्र एसियाकै सवल अर्थतन्त्र भएको मुलुक हुने मन्त्री कार्कीको दाबी छ ।

सरकार प्रेस स्वतन्त्रता पक्षमा सधैँ प्रतिबद्ध रहेको उनको भनाइ छ । पत्रकारिता क्षेत्रलाई सहयोग गर्न सरकार सधैँ तयार भन्दै मन्त्री कार्कीले निर्धक्कसँग पेशामा लाग्न पत्रकारहरुलाई आग्रह गरे ।