पोखराबाट काठमाडौं उडेको यती एयरलाइन्सको एक जहाजमा प्राविधिक समस्या देखिएपछि पुनः पोखरा नै फर्काइएको छ । शुक्रवार बिहान पोखराबाट काठमाडौंका लागि उडान भरेको जहाजको इन्जिनमा खराबीको संकेत देखिएपछि पोखरा नै फर्काइएको यती एयरलाइन्सले जनाएको छ । 

यती एयरलाइन्सको ६७२ उडान नम्बरको एटीआर ७२ जहाज पोखराबाट उडान भरेको ६ मिनेटमा पुनः पोखरा नै यती एयरका प्रवक्ता सुदर्शन बर्तौलाले जानकारी दिए । उनका अनुसार जहाजको इन्डिकेटरले बायाँ इन्जिनमा ‘रेड लाइट’ देखाएपछि थप जोखिम नलिने निर्णय गर्दै पाइलटले जहाज पोखरा अवतरण गराएको हो । 

हवाई सुरक्षामा थप जोखिम नहोस् भनी जहाज पोखरा फर्काइएको प्रवक्ता बर्तौलाले बताएका छन् । उक्त जहाजले शुक्रवार बिहान ८ः४५ बजे उडान भरेको थियो । उक्त जहाजमा ४५ जना यात्रु सवार रहेको उनले जानकारी दिए ।