नेपाली कांग्रेसका नेता गुरुराज घिमिरले निर्वाचनमा विजय हुने वा पराजय हुने कुरा जनताको हातमा भएको बताएका छन् । शनिवार नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले माओवादी केन्द्रलाई कांग्रेसले दोस्रो हुन नदिए सहज नहुने बताएपछि त्यसको जवाफमा नेता घिमिरेले कसैले चाहँदैमा पहिलो वा दोस्रो नहुने जवाफ दिएका हुन् । 

नेता घिमिरेले जनताको माया पाउनका लागि जनतालाई माया गर्न जान्नुपर्ने सुझाव पनि प्रचण्डलाई दिएका छन् । उनले जनता रुवाएर मालिक बनिरहने प्रवृत्ति दण्डनीय भएको चेतावनी दिएका छन् । 

उनले ट्वीटरमा लेखेका छन्, ‘चुनावमा पहिलो, दोस्रो या विजय–पराजय जनताको हातमा छ, कसैले चाहँदैमा हुँदैन । राजनीतिक दलले  हुकुम प्रमांगी लादेर जित्न सम्भव छैन । जनता कसैको मनोगत या अन्तिम चाहना पूरा गरिदिने दलका  हतियार होइनन् । जनताबाट माया पाउन जनतालाई माया गर्न जान्नुपर्छ । जनता रुवाएर मालिक बनिरहने प्रवृत्ति दण्डनीय छ ।’