प्रचण्ड आज राति जापान जाने, गठबन्धनले दियो भ्रमण सफलताको शुभकामना

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ शुक्रवार राति जापान जाने भएका छन् । पार्टीनिकट जनसम्पर्क समितिको कार्यक्रममा सहभागी हुन प्रचण्ड शुक्रवार राति नेपाल वायुसेवा नियमको विमानमार्फत जापान जान लागेका हुन् । 

पार्टीको कार्यक्रममा जापान जान लागेका प्रचण्डलाई सत्ता गठबन्धनले ‘भ्रमण सफलताको शुभकामना’ दिएको छ । सञ्चार मन्त्री एवं कांग्रेस नेता ज्ञानेन्द्रबहादुर कार्कीले गठबन्धन बैठकले प्रचण्डको भ्रमण सफलताको शुभकामना दिएको जानकारी दिए । 

प्रचण्डले गत महिना भारतको भ्रमण गरेका थिए । शुक्रवारको गठबन्धन बैठकले मंसिर ४ गते हुने चुनावमा सत्ता गठबन्धनबीच तालमेल गर्ने निर्णय गरेको छ ।