नेकपा माओवादी केन्द्रको स्थायी कमिटी बैठक बिहीबार बस्दैछ । बिहान ८ बजेपछि सुरु हुने बैठकले स्थायी समिति, पोलिटब्युरो र केन्द्रीय समितिमा रहने सबै नेताको नाम टुंगो लगाउनेछ । यस्तै पदाधिकारीको पनि टुंगो लगाउने नेताहरुको भनाइ छ । 

यसअघि बुधवार पार्टी केन्द्रीय कार्यालय पेरिसडाँडामा बसेको स्थायी समिति बैठकले केन्द्रीय तहका समितिमा रहने नेताहरूको नाम करिब टुंगो लगाएको छ । 

त्यसमा थप छलफल गरेर कमिटीलाई पूर्णता दिइने नेता कृष्ण बहादुर महराले जानकारी दिए । उनका अनुसार  अब माओवादी केन्द्रको स्थायी समिति ४३ जनाको हुनेछ । त्यसैगरी पोलिटब्युरोमा १२५ जना सदस्य रहनेछन् भने २६ जना वैकल्पिक पोलिटब्युरो सदस्य रहने भएका छन् । 

माओवादी केन्द्रले ३४१ जना केन्द्रीय समिति सदस्य रहने टुंगो लगाएको पनि उनको भनाइ छ ।