नेपाली कांग्रेसका महामन्त्री गगन थापाले काठमाडौं क्षेत्र नम्बर-४ बाट प्रतिनिधि सभाकाे उम्मेदवार बन्न निवेदन दिएका छन् । उनले  निर्वाचन क्षेत्रीय कार्यालयमा बुधबार निवेदन  दिएका हुन् । 

त्यसबाहेक, गगन थापाकाे नाममा स्की क्षेत्र नम्बर–१ बाट प्रतिनिधि सभाका उम्मेदवार बन्नका लागि पनि निवेदन दर्ता भएको छ ।

कांग्रेसका कास्की क्षेत्र नम्बर–१ का सभापति राजेन्द्रमणि लामिछानेले महामन्त्री थापाको उम्मेदवारी दरखास्त आएको बताए । 

‘उहाँको उम्मेदवारी दरखास्त भर्खरै मैले पाएको छु । उहाँको उम्मेदवारी सिफारिस के गर्ने भन्ने बारेमा हामी छलफल गरिरहेका छौं’, लामिछानेले भने । 

२०७४ को चुनावमा काठमाडौं क्षेत्र नम्बर–४ बाट विजयी भएका थापाले यस पटक पनि सोही निर्वाचन क्षेत्रबाट चुनाव लड्ने बताउँदै आएका छन् । 

उनले काठमाडौं क्षेत्र नम्बर–४ मा पनि पार्टीको आधिकारिक उम्मेदवार बन्नको लागि निवेदन दिएका छन् । 

उनले कास्कीमा भानुभक्त ढकाललाई अख्तियारी दिएर आधिकारिक उम्मेदवारको लागि निवेदन दर्ता गराउन लगाएका हुन् ।

कांग्रेसले प्रदेश सभा र प्रतिनिधि सभा निर्वाचनको लागि उम्मेदवार बन्न क्षेत्रीय समितिले उम्मेदवारको नाम केन्द्रीय समितिमा सिफारिस गर्नुपर्ने विधि तय गरेको छ ।