पाहुना टोली बंगलादेशले यूएईविरुद्धको टी-ट्वान्टी सिरिज जितेको छ ।

मंगलवार राति भएको खेलमा बंगलादेश ३२ रनले विजयी भएको छ । जीतसँगै बंगलादेशले दुई खेलको सिरिज २-० ले जितेको छ ।

पाहुना टोलीले दिएको १ सय ७० रनको लक्ष्य पछ्याएको घरेलु टोलीले २० ओभरमा ५ विकेट गुमाएर १ सय ३७ रन मात्र बनायो ।

उसका लागि कप्तान सीपी रिजवानले अविजित ५१ रनको अर्धशतकिय ईनिङ खेले । बासिल हमिदले ४२ रन बनाए । मोहम्मद वासिमले १८ तथा जवार फारिद ८ रनमा अविजित रहे ।

पाहुना टोलीका लागि मोसाडिक होसेनले २ तथा इबाडट होसेन,टस्किन अहमद र नसुल अहमदले समान १/१ विकेट लिए ।

त्यसअघि पहिले ब्याटिङ गरेको पाहुना टोलीले २० ओभरमा ५ विकेट गुमाएर १ सय ६९ रन बनाएको थियो ।

उसका लागि मेहिदी हसनले ४६ तथा मोसाडिक होसेनले २७ रन बनाए । लिन्टन दासले २५ रन बनाउदा यासिर अलि २१ रनमा अविजित रहे । कप्तान नुरुल हसन १९ रनमा अविजित रहँदा आफिफ होसाइनले १८ रन बनाए । सविर रहमानले १२ रन बनाए ।

घरेलु टोलीका लागि आयान खानले २ तथा कार्तिक मैयप्पन,सविर अलि र आर्यन लार्कले समान १/१ विकेट लिए ।