ट्रिपल एक्स वेब सिरिजलाई लिएर ‘टिभी क्वीन’ एकता कपुरको कठिनाइ बढ्दै गएको छ । वेब सिरिज ट्रिपल एक्स विवादमा बिहारको एक अदालतले एकता कपुर र उनकी आमा शोभा कपुरविरुद्ध पक्राउ पूर्जी जारी गरेको छ । 

वास्तवमा, गत वर्ष ‘त्रिपल एक्स ’वेब सिरिजलाई लिएर एकता कपुरविरुद्ध अदालतमा रिट दायर गरिएको थियो । यसैलाई ध्यानमा राख्दै अदालतले अब फिल्म निर्माता एकता कपुर र शोभा कपुरविरुद्ध पक्राउ वारेन्ट जारी गरेको छ । ट्रिपल एक्समा सैनिककी पत्नीलाई सैनिकको बर्दीमा अन्य व्यक्तिसँग शारीरिक सम्बन्ध राखेको देखाइएको थियो । जसलाई लिएर बिहारको बेगुसरायको अदालतमा सेनाको अपमान भएको भन्दै मुद्दा दायर गरिएको थियो । 

यसै क्रममा अधिवक्ता पाठकले यो मुद्दा राजीव कुमारको अदालतमार्फत विकास कुमारको अदालतमा सारिएको र त्यहाँबाट पक्राउ पूर्जी जारी गरिएको बताए ।