पूर्वप्रधानमन्त्री एवम् नेपाल समाजवादी पार्टीका अध्यक्ष डा.बाबुराम भट्टराई र राप्रपा नेपालका अध्यक्ष कमल थापाबीच सामाजिक सञ्जालमा हाँसो, व्यंग, सद्भाव मिश्रित सवालजवाफहरू समय समयमा चलिरहन्छ । 

बुधवार डा.भट्टराईकी छोरी मानुसी यमी भट्टराईलेले आफ्नो ट्वीटरमा छोराले दौरासुरुवाल लगाएको तस्वीर शेयर गरिन् । 

दशैंको माहोलमा सो तस्वीर उनले शेयर गरेकी थिइन्  ।

जसमा थापाले प्रतिक्रिया दिएका छन् ।

थापाले बाबुरामले दौरासुरुवाल लगाएको नदेखिएको भन्दै नातिले लगाउँदा भने खुशी लागेको लेखेका छन्  । 

उनले लेखेका छन्,'बाजेले दौरासुरुवाल लगाएको खासै देखिएन,नातिले दौरासुरुवाल लगाएको देख्दा खुसी लाग्यो।'

उनले बाबुरामलाई दशैंको शुभकामना समेत दिएका छन् ।

बाजेले दौरासुरुवाल लगाएको खासै देखिएन,नातिले दौरासुरुवाल लगाएको देख्दा खुसी लाग्यो। विश्रान्ति तिर उन्मुख सहपाठी मित्र @brb1954 लाई सुख, शान्ति र सुस्वास्थको कामना https://t.co/scyeYUHCtP

— Kamal Thapa (@KTnepal) October 5, 2022