नेकपा एमालेका उपाध्यक्ष तथा पूर्व अर्थमन्त्री विष्णु पौडेलले विकास, समृद्धि र सामाजिक न्यायको अभियानलाई अगाडि बढाउन एमालेका उम्मेदवारले जित्नुपर्ने बताएका छन् ।

आइतवार रुपन्देही–२ बाट प्रतिनिधिसभा सदस्यमा उम्मेदवारी दर्ता गरेपछि उनले आफूले जनतासँग गरेका प्रतिबद्धताहरू कार्यान्वयन गर्दै आएको बताउँदै यसपटक पनि जनताको अनुमोदन पश्चात जनतासँग गरिएका वाचा र प्रतिबद्धताहरू कार्यान्वन गर्ने बताए ।

शिक्षा, स्वास्थ्य र रोजगारीको क्षेत्रमा क्रान्तिकारी परिवर्तनका लागि एमाले जित्नुपर्ने उनले बताए । 

‘रुपन्देहीमा शुरू गरिएका विकास आयोजनाहरू सम्पन्न गर्न एमालेलाई जिताउनुपर्छ । यहाँ ठूला परियोजना सम्पन्न गर्न एमालेका प्रतिनिधिसभा र प्रदेशसभाका उम्मेदवारले जित्नुपर्छ,’ पौडेलले भने ।