फिल्म ‘महापुरूष’ को चितवनमा प्रिमियर गरिएको छ । यसअघि काठमाडौँमा प्रिमियर गरिएको फिल्म मंगलवार चितवनस्थित सिनेप्लेक्समा पनि प्रिमियर भएको हो । कार्यकारी निर्माता रविन्द्रसिंह बानियाँले मोफसलका सञ्चारकर्मी र फिल्मप्रेमीलाई मध्यनजर गर्दै दुई स्थानमा प्रिमियर गर्न लागिएको बताए ।
११ कात्तिकबाट प्रदर्शनमा आउने फिल्म बुधवार इटहरीमा पनि प्रिमियर हुँदैछ ।  

फिल्ममा मदनकृष्ण श्रेष्ठ, हरिवंश आचार्य, रविन्द्रसिंह बानियाँ, राजाराम पौडेल, गौरी मल्ल, शिखा तामाङ, कोपिला थापा, शिरु विष्ट, कविता श्रेष्ठ, नरेन्द्र कंसाकार, सविन बास्तोला, नरेश पौड्याल, प्रेम पाण्डे, सुमन रिमाल, माधव अधिकारी, प्रकाश भट्टराई, घनश्याम जोशी, अर्जुन आचार्य, पण्डित प्रज्वल लुइँटेल लगायतको अभिनय रहेको छ ।