कांग्रेसले भोलि घोषणापत्र सार्वजनिक गर्ने

नेपाली कांग्रेसले भोलि (शनिवार) आगामी निर्वाचनका लागि घोषणापत्र सार्वजनिक गर्ने भएको छ । 

पार्टी सभापति एवं प्रधानमन्त्री शेरबहादुर देउवाले शनिवार बिहान १० बजे पार्टी कार्यालय सानेपामा घोषणापत्र सार्वजनिक गर्ने कार्यक्रम तय गरिएको हो । घोषणापत्रलाई कांग्रेसले ‘संकल्प पत्र’ भनेको छ । 

तिहार अघि नै कांग्रेसले घोषणापत्र सार्वजनिक गर्ने तयारी गरे पनि तिहारपछिलाई सारिएको थियो । कांग्रेसले घोषणा निर्माणका लागि महामन्त्री विश्वप्रकाश शर्माको संयोजकत्वमा एक समिति निर्माण गरेको थियो ।