×

NIC ASIA

आम चुनाव-२०७९

‘धवल राजा’ले तताइरहेको नेपालगञ्जको चुनावी रौनक

‘एमाले समर्थित राप्रपा, जसपा र सत्ता गठबन्धनका उम्मेदवारलाई स्वतन्त्रको चुनौती’

कात्तिक २६, २०७९

Prabhu Bank
NTC
Premier Steels
Marvel

मंसिर ४ गतेपछि देशको निर्णायक शक्ति बन्ने महत्वकाङ्क्षा बोकेको राष्ट्रिय प्रजातन्त्र पार्टी (राप्रपा)ले नेकपा एमालेसँग देशका तीन जिल्लामा चुनावी तालमेल गरेको छ । त्यसमध्ये एक हो बाँके, जहाँ राप्रपा महामन्त्री डा. धवल शमशेर राणा चुनावी प्रतिस्पर्धामा छन् । 

एमालेसँग देशव्यापी चुनावी तालमेल गरेको जसपाका प्रभावशाली नेता इस्तियाक राईसँग धवलको प्रतिस्पर्धा हुँदैछ । तर, प्रतिनिधि सभातर्फ बाँके २ मा भने एमाले र जसपाको तालमेल छैन् ।


Advertisment
RMC TANSEN
IME BANK INNEWS
shivam ISLAND

एमाले अध्यक्ष केपी शर्मा ओलीको गृह जिल्ला झापामा दुई पार्टीबीच चुनावी तालमेल गर्नका लागि राप्रपाले बाँकेमा धवललाई सघाउनुपर्ने शर्त राखेको थियो । जसका कारण एमालेसँग कैयौं स्थानमा तालमेल हुँदा पनि इस्तियाकले एमालेको ‘मुबारक’ पाएनन् । 


Advertisment
Rupse Holidays
Nabil box

Vianet communication

२०७४ सालमो स्थानीय तह निर्वाचनमा नेपालगञ्ज उपमहानगरको मेयर जितेर धवलले राप्रपाको नाक जोगाइदिएका थिए । मेयर छँदा खेलेको भूमिकाका कारण धवल नेपालगञ्ज र सिंगो बाँके जिल्लामा परिचित छन् । स्थानीयहरू उनलाई भ्रष्टाचार नगर्ने नेताकोरूपमा चिन्छन् । दुईपटक नेपालगञ्जको मेयर रहेको समयमा उनले कैयौं सुधारका काम गरेका थिए । 

नेपालगञ्ज उपमहानगरपालिका–१ धम्बोजीका स्थानीय मतदाता सन्तोष थापा राप्रपा पार्टीभन्दा पनि बाँकेमा धवलशमशेर ब्राण्ड रहेको बताउँछन् । ‘पार्टी भन्दा पनि व्यक्तिगत प्रभावका कारण धवलले बाँकेमा चुनावी रौनक तताइरहेका छन् । उनको मुख्य प्रतिस्पर्धा जसपाका इस्तियाक राइसँग हुने सम्भावना ज्यादा छ’ थापाले लोकान्तरसँग भने । 

नेपालगञ्जमा भेटिएका जसपाका एक नेताले सांसद हुँदा गरेको कामका कारण मतदाताले इस्तियाकलाई रोज्ने बताउँछन् ।

त्रिपक्षीय प्रतिस्पर्धामा स्वतन्त्रको चुनौती 

बाँके–२ मा एमाले समर्थित राप्रपा उम्मेदवार, जसपा उम्मेदवार र सत्ता गठबन्धनका उम्मेदवारबीच त्रिपक्षीय प्रतिस्पर्धा छ । २०७४ सालको प्रतिनिधि सभा चुनावमा यो क्षेत्रबाट जसपाका इस्तियाक राईले चुनाव जितेका थिए । यो क्षेत्रबाट उनले विगतमा चुनाव जित्दै आएका छन् । नेपालगञ्जका ठूला भवनमा उनले आक्रामक प्रचार गरिरहेका छन् ।

सत्ता गठबन्धनको तर्फबाट नेपाली कांग्रेसका सुदिप नरसिंह राणा चुनावी मैदानमा छन् । यसपटक रवि लामिछाने नेतृत्वको राष्ट्रिय स्वतन्त्र पार्टीका उम्मेदवार र अन्य स्वतन्त्र उम्मेदवारले गठबन्धनका उम्मेदवारलाई चुनौती दिएका छन् । 

नेपाली कांग्रेसकी स्थानीय नेतृ अनिता हमाल सुशील कोइरालाले शुरू गरेको विकासको अभियानलाई निरन्तरता दिन कांग्रेसले चुनाव जित्ने दावी गरिन् । ‘नेपाली कांग्रेस आफैमा बलियो छ, त्यसैमाथि सत्ता गठबन्धनका दलको समर्थन छ । स्थानीय तह निर्वाचनमा पाएको मत पनि एउटा आधार हो’ हमालले भनिन् ।

राष्ट्रिय स्वतन्त्र पार्टीका विनोद अग्रहरी घण्टी चिन्ह लिएर चुनावी प्रतिस्पर्धामा छन् । लामो समय अष्ट्रेलिया बसेर फर्केका अग्रहरी टेलिकम इन्जिनियर हुन् । ‘पूराना राजनीतिक दलप्रति मतदातामा रहेको आक्रोशको भोट स्वतन्त्र पार्टीका उम्मेदवारले पाउने सम्भावना छ, उनले पाउने भोटले समीकरण फेरबदलल हुन पनि सक्छ’ सन्तोषले विश्लेषण गरे ।

प्रदेश सभामा उठेका बुवा सुरेन्द्र हमालको चुनाव प्रचारमा हिडेकी श्रीया हमाल राणा प्रतिनिधिसभा र प्रदेशसभामा गठबन्धनका सबै उम्मेदवारले चुनाव जित्ने दावी गरिन् । ‘मतदाताबाट धेरै राम्रो रेस्पोन्स पाएका छौं, हामीले चुनाव जित्नेमा कुनै शंका छैन’ श्रीयाले भनिन् ।

गत स्थानीय तह निर्वाचको वडा तहको मतमा कांग्रेस पहिलो, एमाले दोस्रो र जसपा तेस्रो स्थानमा छन् । कांग्रेसले १८ हजार ३७ मत पाउँदा एमालेले १५ हजार ४७८ र जसपाले १३ हजार ८०९ मत पाएका थिए ।  राप्रपाले ८ हजार ४९४ मत पाउँदा माओवादीले ६ हजार ८५९ र नेकपा एसले ८२१ मत पाएका थिए । स्थानीय तह निर्वाचन र प्रतिनिधि सभाको सन्दर्भ फरक भएकोले पुरानो जनमतको आधारमा विश्लेषण गर्न नमिल्ने मतदाताहरुको भनाई छ । 

के भन्छन् मतदाता ? 

स्थानीयहरू सम्मानस्वरुप धवलशमशेरलाई ‘राजा’ सम्बोधन गर्छन् । मेयर रहेको समयमा होस या नरहेको समयमा पनि उनी समाजसेवामा सक्रिय हुन्छन् । त्यही कारण मूलधारमा दललाई पाखा लगाएर उपमहानगरको मेयरमा राप्रपालाई जिताएका थिए । 

नेपालगञ्ज–४ पिपल चौताराका सञ्जय कौशल प्रतिनिधिसभामा ‘धवल राजा’को सम्भावना धेरै देख्छन् । ‘इस्तियाक राइ र धवल शमशेर राणाबीच कडा टक्कर होला जस्तो देखिन्छ, सत्ता गठबन्धन पनि बलियो रहेकोले यसै भन्न सकिन्न’ कौशलले भने । 

नेपालगञ्ज–२ बागेश्वरी टोलका सन्तोषकुमार गुप्ता पनि मुख्य प्रतिस्पर्धा धबल र इस्तियाकको हुने बताउँछन् । ‘केन्द्रीय मन्त्री भएर इस्तियाकले बाँकेका विकास गरेका छन्, मेयर भएर गरेको कामका कारण मतदाताले धवललाई पनि रुचाएका छन्’, गुप्ताले भने । 

नेपालगञ्जको बागेश्वरी टोलका मतदाता मनिष श्रीवास्तव स्थानीयमाझ धवलको धवी भ्रष्टाचार विरोधी नेताकोरुपमा स्थापित भएको बताउँछन् । ‘जतिबेला राप्रपाको राजनीति ओरालो लागेको थियो चुनाव जितेर इतिहास रचेका थिए, राजनीतिक दल भन्दापनि व्यक्ति हेरेर मतदाताले धोट दिने सम्भावना छ’ श्रीवास्तबले भने ।

बाँके क्षेत्र नम्बर २ हिन्दु र मुस्लिम समुदायका मतदाता मिश्रित क्षेत्र हो । उपमहानगर भए पनि यहाँका कतिपय बस्ती धेरै विकट र पिछडिएका छन् । त्यहाँका मतदाताको भोट चुनाव जित्नको लागि निर्णायक हुन्छ । 

नेपालगञ्ज ४ का स्लाम शेख नेपालगञ्जको विकासका लागि इस्तियाक राईले राम्रो काम गरेको बताउँछन् । उनको भनाइमा समर्थन जनाउँदै नेपालगञ्ज-११ का स्लाम खानले धवल र इस्तियाकबीच प्रतिस्पर्धा रहेको बताए । 

नेपालगञ्जको बीपी चोकमा बाँके–२ को चुनावी नतिजाको सम्भावनाबारे स्थानीय तीनजना मतदाताबीच कुराकानी चलिरहेको थियो । नेपालगञ्ज १० भृकुटीनगरका विजय मण्डल धवल र इस्तियाकबीत नै मुख्य प्रतिस्पर्धा रहेको बताए । ‘हुन त यहाँ सत्ता गठबनधन पनि छ, स्थानीय चुनावमा गठबन्धनले नै मेयर जितेको थियो । मतदाताको कुरा सुन्दा धवल र इस्तियाकबीच नै प्रतिस्पर्धा हुने ठानिएको छ’ मण्डलले भने ।

नेपालगञ्ज–१ धम्बोजीका उमेश सापकोटा मेयर छँदा गरेको कामका कारण धवलको सम्भावना रहेको बताउँछन् । ‘यहाँका मतदाताले राजनीतिक दल भन्दा पनि सक्षम व्यक्तिलाई हेरिरहेका छन् । त्रिपक्षीय प्रतिस्पर्धामा धवल अगाडि जस्तो देखिन्छन्’ सापकोटाले भने । 

नेपालगञ्ज–११ का रमेशकुमार डबगर मेयर छँदा गरेको काम र व्यक्तिगत लोकप्रियताका कारण प्रतिस्पर्धामा धवल अगाडि रहेको बताउँछन् । 

नेपालगञ्जकै अर्को एक चियापसलमा यस्तै चुनावी गफ भइरहेको थियो– सौभाग्य थापा, शिखर श्रेष्ठ र सन्तोष थापाबीच । ‘इस्तियाक र धवलबीच रोचक भिडन्त छ, निवर्तमान मेयर भएकोले स्थानीयबीच धवलको लोकप्रियता कायम छ’, थापाले नेपालगञ्जको मनोविज्ञान सुनाए । 

चुनाव जितेर यहाँका अधुरा काम पूरा गर्छु

‘जितेगा भाइ जितेगा, हलो सूर्य जितेका’को नारा लगाउँदै एमाले र राप्रपाको टोली प्रचामा हिँडेको छ । धवलको क्षेत्रमा रहेको प्रदेश सभामा दुवै एमालेका उम्मेदवार छन् । एमालेबाट राम्रो सहयोग पाइरहेकोले चुनाव जित्नेमा आफू ढुक्क रहेको धवलले बताए । 

‘यहाँका जनताले मलाइ माया गर्छन, जनताको मायालाई मैले जतन गरेर राखेको छु । मेयर बन्दा कुनै पनि दाग धब्बा नलागी दुईपटक नगरपालिकालाइ नमुना बनाएको छु’ राणाले भने, ‘मैले कामले प्रमाणित गरेरे देखाएकोले । प्रतिनिधि सभा सदस्यको लागि नेपालगञ्ज र डुडुवाका जनताले देशको सेवा गर्न दिनु हुनेछ भन्ने विश्वासमा छु ।’ 

धवलको चुनाव प्रचारका लागि ह्वील चेयरमा हिडिरहेका प्रज्वल शाहीले नेपालगञ्जको विकासका लागि धवल आवश्यक रहेको बताए । मंसिर ४ गते हुने प्रतिनिधि सभा निर्वाचनका लागि उम्मेदवारहरू भोट माग्न घरघरमा पुगेका छन् । बहुपक्षीय प्रतिस्पर्धाले यहाँको चुनावी माहौललाई रोमाञ्चक बनाइदिएको स्थानीयको प्रतिक्रिया छ ।

भिडियाेमा हेर्नुहाेस् धवल शम्शेरसँगकाे कुराकानी

 

तस्वीरमा हेर्नुहाेस् नेपालगञ्जकाे चुनावी राैनक 
 

hAMROPATRO BELOW NEWS
TATA Below
मंसिर १५, २०८०

नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...

कात्तिक १८, २०८०

नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् ।  विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...

मंसिर २४, २०८०

 नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...

मंसिर ८, २०८०

‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...

मंसिर ६, २०८०

मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् ।  नेपाल प्रहरीले प्...

कात्तिक २२, २०८०

दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

बाबुरामका एक्ला बृहस्पति ‘फणीन्द्र’– २१ वर्षअघिको त्यो क्षण र गण्डकीको ‘फ्लोर क्रस’

बाबुरामका एक्ला बृहस्पति ‘फणीन्द्र’– २१ वर्षअघिको त्यो क्षण र गण्डकीको ‘फ्लोर क्रस’

जेठ २९, २०८१

गण्डकी प्रदेशका मुख्यमन्त्री सुरेन्द्रराज पाण्डेले सोमबार विश्वासको मत प्राप्त गरेका छन् । नेकपा (माओवादी केन्द्र)को चिह्न ‘गोलाकारभित्र हँसिया हथौडा’बाट चुनाव जितेका फणीन्द्र देवकोटाले 'फ्लोर क्रस'...

x