आइतबार सम्पन्न प्रदेश तथा प्रतिनिधिसभा निर्वाचनको मतगणना सुरु गर्न जुम्लामा तयारी सुरु भएको छ । त्यसका लागि सोमबार बिहान ७ बजे सर्वदलीय बैठक बोलाइएको छ । सर्वदलीय बैठकपछि ११ बजेदेखि गणना सुरु गर्नेगरी तयारी भइरहेको मुख्य निर्वाचन अधिकृतको कार्यालयले जनाएको छ । 

जुम्लाका सबै मतदान केन्द्रका मतपेटिका संकलन गरेर सदरमुकाममा ल्याइएको जनाइएको छ । जुम्लामा एमाले, माओवादी केन्द्र र राप्रपाका उम्मेदवारबीच प्रतिस्पर्धा हुने आँकलन गरिएको छ ।