प्रतिनिधिसभाको समानुपातिकतर्फ जारी मतगणनामा राप्रपाले पनि एक लाख मत कटाएको छ । बुधबार राति ११ बजेको अद्यावधिक विवरणअनुसार राप्रपाले १ लाख ५ हजार मत पाएको हो  । राप्रपाले समानुपातिकमा दलहरुमा पाँचौँ बढी मत पाएको हो । 

पहिलो स्थानमा भने  एमाले रहेको छ । एमालेले ३ लाख ६७ हजार मत पाइसकेको निर्वाचन आयोगको भनाइ छ ।  यस्तै  दोस्रोमा रहेको कांग्रेसले ३ लाख ८४ हजार, तेस्रोमा रहेको राष्ट्रिय स्वतन्त्र पार्टीले १ लाख ९३ हजार तथा चौथो स्थानमा रहेको माओवादी केन्द्रले १ लाख ६१ हजार मत पाएको छ । 

यस्तै जसपाले ४३ हजार, नेमकिपाले ३१ हजार, जनमतले २४ हजार तथा एकीकृत समाजवादी पार्टीले जम्मा २२ हजार मत पाएको छ ।  यस्तै नागरिक उन्मुक्ति पार्टीले १५ हजार मत पाएको आयोगले जनाएको छ ।