राष्ट्रिय प्रजातन्त्र पार्टीका सांसद पशुपति शम्शेर जबराले संघीयता मधेशका आठ जिल्लामा सीमित गरे हुने बताएका छन् । मधेश प्रदेशको लागि मात्र संघीयता आवश्यक भएकाले मधेशका आठ जिल्लामा मात्र सीमित गरे हुने उनले उनको भनाइ थियो । 

प्रतिनिधि सभा सदस्य पदको प्रमाणपत्र बुझेपछि उनले लोकान्तरसँग भने, ‘संघीयता मधेशको आठ जिल्लाको लागि मात्र हो । अब अन्त किन खर्च गर्नुपर्‍यो । अन्त त मान्छेले वास्तवमा संघीयता खोजेकै होइन ।’ 

संघीयता अब देशले धान्न नसक्ने उनले बताए । ‘संघीयताका कारण खर्च बढी भयो, देशले धान्न नसक्ने भयो’, उनले थपे, ‘संघीयता खारेज गर्ने नै होइन, मधेशमा मात्र सीमित राखे पुग्छ । अन्यले संघीयता मागेको पनि होइन ।’