नेकपा एकीकृत समाजवादीले पुष्पकमल दाहाल ‘प्रचण्ड’ नेतृत्वको सरकालाई विश्वासको मत दिने निर्णय गरेको छ ।

नेकपा एसको मंगलवार बसेको सचिवालय बैठकले प्रचण्ड सरकारलाई शर्तसहित समर्थन गर्ने निर्णय गरेको प्रचार विभाग प्रमुख जगन्नाथ खतिवडाले जानकारी दिए । 

‘अहिले हााम्रो पार्टीले विश्वासको मत दिन्छ, एजेण्डा पूरा नगरेमा कुनै बेला पनि सरकारबाट निस्केर प्रतिपक्षमा बस्ने गरी समर्थन गर्छाैं,’ खतिवडाले भने ।

संसदमा नेकपा एसका १० सांसद छन् । प्रचण्डले मंगलवार विश्वासको मत लिँदैछन् । 

सरकारलाई समर्थन गर्ने तीन शर्तबारे पार्टी अध्यक्ष माधवकुमार नेपालले संसदमा सम्बोधन गर्ने खतिवडाले बताए । नेकपा एस स्रोतका अनुसार राष्ट्रियता, जनजीविका र सुशासनका विषयलाई नेकपा एसले शर्त बनाएको छ ।