सुदूरपश्चिमको मुख्यमन्त्रीमा नियुक्त भएका नेपाली कांग्रेसको संसदीय दलका नेता कमलबहादुर शाहको शपथ शुक्रबार हुने भएको छ । 

आजै निवर्तमान मुख्यमन्त्री राजेन्द्रसिंह रावलले विश्वासको मत नपाएसँगै उनी नेतृत्वको सरकार ढलेको थियो । लगत्तै प्रदेशसभाको सबैभन्दा ठूलो दल नेपाली कांग्रेसका शाहलाई प्रदेश प्रमुख देवराज जोशीले मुख्यमन्त्रीमा नियुक्त गरेका हुन् ।
संविधानमा १६८ (२) अनुसारको सरकारले विश्वासको मत प्राप्त गर्न नसके प्रदेशमा सबैभन्दा बढी सदस्य रहेको संसदीय दलको नेतालाई प्रदेश प्रमुखले मुख्यमन्त्री नियुक्त गर्ने व्यवस्था छ । प्रदेशसभामा कांग्रेस सबैभन्दा ठूलो दल रहेको छ ।