बालाजु घटनाः प्रहरीको भ्यान जलाएको आरोपमा दुई जना पक्राउ

राजधानीको बालाजु–माछापोखरीमा यातायात मजदुरको आन्दोलनका क्रममा प्रहरीको भ्यान जलाएको आरोपमा दुई जना पक्राउ परेका छन् । सोमबार भएको आन्दोलनमा आन्दोलनकारीले माछापोखरीमा प्रहरीको दुई वटा भ्यान जलाएका थिए भने प्रहरीको अस्थायी बिट समेत जलाएका थिए । 

भ्यान जलाउने कार्यमा संलग्न रहेको आरोपमा मंगलबार दुई जनालाई पक्राउ गरिएको जिल्ला प्रहरी परिसर काठमाडौँले जनाएको छ । यस्तै ल्होत्से मलमा लुटपाटमा संलग्न भएको आरोपमा ४ जनालाई पनि प्रहरीले पक्राउ गरेको छ । 

आन्दोलनको क्रममा एक समूह ल्होत्से मलमा छिरेर लुटपाट गरेका थिए । तोडफोड र लुटपाटमा करौडौँको क्षति भएको बताइएको छ ।