नेकपाका महासचिव नेत्रविक्रम चन्द विप्लवले इतिहासको हत्या गर्ने दुष्प्रयास भएको टिप्पणी गरेका छन् ।

जननिर्वाचित प्रधानमन्त्रीलाई मुद्दा लयाउन खोज्नुले राज्य नेपाली जनताको हातमा नरहेको उनले दाबी गरे । 

पूर्व माओवादी घटकले आइतबार काठमाडौंमा आयोजना गरेको पत्रकार सम्मेलनमा विप्लवले इतिहासको हत्या गर्ने प्रयासलाई सफल हुन नदिने बताएका हुन् ।

‘इतिहासमाथि हमला शुरु भएको छ । इतिहासको हत्या गर्ने दुष्प्रयास भएको छ । सिंहहरूको सुकारमा व्याँसा र स्यालले शिकार गर्न खोज्दैछन् । यो जो भइरहेको छ, हामीलाई स्वीकार्य छैन’, विप्लवले भने ।

जननिर्वाचित प्रधानमन्त्रीलाई मुद्दा लगाउने कामले राज्यसत्ता नेपाली जनतामा नआएको प्रस्ट भएको उनले बताए ।

‘आज प्रधानमन्त्रीलाई मुद्दा लगायते काम भएको छ । माओवादीले जतिसुकै राज्य हाम्रो दाबी गरे पनि नेपाली जनताको होइन रहेछ । देशमा निवौचित भएर प्रधानमन्त्रीलाई राज्यले नियन्त्रणमा राख्ने रहेछ भने सुकुमबासीको हालत के होला ?’ विप्लवले प्रश्न गरे ।

प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल 'प्रचण्ड'विरुद्ध सर्वोच्चमा रिट दर्ता भएपछि पूर्वमाओवादी नेताहरू तरंगित बनेका छन् ।