खालिस्तानी समर्थक ‘वारिस पञ्जाब दे’ संगठनका प्रमुख अमृतपाल सिंहमाथि पञ्जाब प्रहरीले कारवाही प्रक्रिया थालेको छ ।

प्रहरीले उनलाई फरार घोषित गर्दै कारवाही थालेको छ । कारवाहीको सन्दर्भमा भ्रम नफैलियोस् भनेर प्रदेशभर इन्टरनेट सेवा समेत बन्द गरिएको भारतीय सञ्चारमाध्यमले जनाएका छन् ।

संगठनसँग जोडिएका ७८ जनालाई प्रहरीले पक्राउ गरेको छ भने अन्य केही व्यक्तिसँग सोधपुछ गरिरहेको छ ।

प्रहरीले अमृतपालका आर्थिक सहयोगी दलजीतसिंह कलसीलाई गुरुग्रामबाट पक्राउ गरेको छ । अमृतपालका बडिगार्डलाई पनि पक्राउ गरिएको छ ।

प्रहरीले ३१५ बोरको राइफल, १२ बोरका ७ राइफल, १ रिभल्बर र ३७३ कारतूस गरी कूल ९ हतियार बरामद गरेको छ ।